Բռնի ծայրահեղականությունը նույն դեմքն ունի Լոս Անջելեսում, Բեռլինում, Փարիզում և Թբիլիսիում: Դիմակը նույն կերպ թաքցնում է հանցագործների դեմքը, «Մոլոտովի կոկտեյլը» նույն կերպ այրում է ոստիկաններին, ճայթրուկը նույն կերպ վնասում է մարդկանց և շենքերը, – այս մասին իր Ֆեյսբուքյան էջում գրում է Վրաստանի խորհրդարանի նախագահ Շալվա Պապուաշվիլին։

Ինչպես գրում է Պապուաշվիլին. «Բռնության և ծայրահեղականության դեմ պայքարը, դրանցից հեռանալը, բացի եվրոպական արժեք լինելուց, նաև քաղաքակրթության նշան է»։

«Պետությունը գոյություն ունի քաղաքացիներին, մարդկանց, անհատներին պաշտպանելու համար իրենց իրավունքների, սեփականության և արժանապատվության խախտողներից։ Երբ դուք պայքարում եք բռնությունը կանխող ոստիկանության կամ դատարանների դեմ, դուք բռնության կողմն եք բռնում։ Բռնությունից անջատվելը նվազագույնն է, որ քաղաքակիրթ հասարակությունը պետք է կարողանա անել, սակայն անջատվելու փոխարեն մենք տեսնում ենք, որ Բրյուսելը և որոշ եվրոպական կառավարության ներկայացուցիչներ աջակցում, հրահրում և ֆինանսավորում են ծայրահեղականությունը Վրաստանում։ Ճշմարտությունը բացահայտվում է միայն այն ժամանակ, երբ ծայրահեղականության պաշտպանները ստիպված են արձագանքել իրենց երկրում բռնությանը», – գրում է Շալվա Պապուաշվիլին։