Կգա հոկտեմբերը, և մենք բոլորս կտեսնենք, որ բոլորը կմասնակցեն Վրաստանի նախագահ Միխեիլ Ղավելաշվիլիի կողմից նշանակված տեղական ինքնակառավարման ընտրություններին,- ասել է Վրաստանի խորհրդարանի նախագահ Շալվա Պապուաշվիլին։

Ինչպես նշել է Պապուաշվիլին, ընդդիմությանը կառավարում են դրսից։ Նա նաեւ ասել է, որ ընդդիմության հայտարարությունները նպատակ ունեն խարխլել Վրաստանի տնտեսությունը։

«Խամաճիկ ընդդիմությունն ամբողջությամբ վերահսկվում է դրսից: Այս օրերին կարելի էր նկատել նաև, որ նրանք շրջել են մի քանի մայրաքաղաքներով և հրահանգներ ստացել։ Չգիտեմ, մի մասը հասել է, մի մասը դեռ կա։ Մենք արդեն տեսնում ենք նրանց հայտարարությունները, թե ինչպես պետք է խարխլեն վրացական տնտեսությունը, ինչպես պետք է տեռոր կազմակերպեն եւ այլն։ Նկատի ունեմ Զուրաբ Ջափարիձեի հայտարարություններն այս առնչությամբ։ Սովորական հրահանգներ և դրանց կատարումը:

Ուստի, ինչ վերաբերում է ընտրություններին, իհարկե, այստեղ էլ նրանք ամբողջովին կախված են հրահանգներից, որպես խամաճիկներ։ Սակայն, ի վերջո, նրանց քաղաքական հայտարարությունները մեծ արժեք չունեն։ Կգա հոկտեմբերը, և մենք բոլորս կտեսնենք, որ բոլորը կմասնակցեն Վրաստանի նախագահ Միխեիլ Ղավելաշվիլիի կողմից հրավիրված տեղական ինքնակառավարման ընտրություններին։ Կմասնակցեն այն օրենսդրությամբ, որն ընդունել է Վրաստանի խորհրդարանը։ Կմասնակցի ԿԸՀ-ի այն կազմով, որն ընդունվել է Վրաստանի խորհրդարանի կողմից: Կմասնակցեն ընտրություններին, որոնք նշանակել է Միխեիլ Ղավելաշվիլին»,- ասել է Շալվա Պապուաշվիլին։