Կարծում եմ՝ Հնդկաստան այցը երկրների միջև հարաբերություններն էլ ավելի կմերձեցնի,- լրագրողներին իր Հնդկաստան կատարած այցի մասին ասաց Վրաստանի խորհրդարանի նախագահ Շալվա Պապուաշվիլին։

«Պետք է ընդգծել, որ այս այցը Վրաստան-Հնդկաստան երկկողմ հարաբերությունների պատմության մեջ առաջին բարձր մակարդակի այցն է։ Կարևոր է հիմք դնել երկրների միջև բարձր մակարդակի այցելությունների փոխանակմանը, ինչպես նաև խորհրդարանների միջև գործնական հարաբերություններին՝ համաձայն հանձնաժողովների ուղղությունների։ Մեր այսօրվա հանդիպումները հիմնականում նվիրված կլինեն տնտեսական հարաբերություններին։ Հնդկաստանը աշխարհի ամենամեծ տնտեսություններից մեկն է, և կարևոր է, որ Վրաստանը, որպես միջին միջանցքի գլխավոր օղակ, հետաքրքիր լինի Հնդկաստանի համար՝ Եվրոպայի հետ կապվելու համար։ Խորհրդարանները միշտ կարևոր դեր են խաղում համապատասխան քաղաքական միջավայր ստեղծելու գործում, այդ թվում՝ տնտեսական հարաբերությունների համար։ Կարծում եմ՝ այս այցը երկրների միջև հարաբերություններն էլ ավելի կմերձեցնի», – ասաց Շալվա Պապուաշվիլին։