«Պատկերացրեք՝ որքան առաջ կգնայինք, եթե չլինեին Բրյուսելից հարձակումները», – այս մասին հայտարարել է Վրաստանի խորհրդարանի նախագահ Շալվա Պապուաշվիլին։

Նրա խոսքով՝ արտաքին ճնշումները և քննադատությունները դանդաղեցնում են Վրաստանի զարգացման տեմպը։

«Fitch-ի կողմից տրված վարկանիշը վկայում է, որ Վրաստանի իշխանությունը վարում է ճիշտ տնտեսական քաղաքականություն, ինչպես նաև ընդհանուր քաղաքականություն, որը միտված է կայունության պահպանմանը։ Այս ամենը բարենպաստ ազդեցություն է ունենում տնտեսական միջավայրի վրա։

Ներկայիս իրավիճակում՝ տարածաշրջանում ընթացող պատերազմի և երկրի դեմ արտաքին հարձակումների պայմաններում, այն հաջողությունը, որին հասել ենք, ակնհայտ է։ Յուրաքանչյուրն ինքն իրեն կարող է պատկերացնել, թե որքան առաջ կգնայինք, եթե չունենայինք հարձակումներ Բրյուսելից և այլ քաղաքներից։ Որոշ արտաքին ուժեր վարում են թշնամական քաղաքականություն Վրաստանի հանդեպ։ Եվ այդ արտաքին հարձակումները **խոչընդոտում են մեր զարգացման ընթացիկ տեմպերին»։

Նշենք, որ վարկանիշային գործակալություն Fitch-ը վերջերս վերանայել է Վրաստանի սուվերեն վարկանիշը՝ թողնելով այն BB մակարդակում, սակայն բարելավել է հեռանկարը «բացասական»-ից «կայուն»-ի։