«Ընդդիմությունն ու ՀԿ-ները մայիսի 26-ին բռնություն են հայտարարել։ Պետք է հստակ ասվի՝ կամ դոնորներն ու դեսպանատները կհերքեն բռնությունը, ահաբեկչությունն ու ատելությունը, կամ այդ ամենը կլինի նրանց պատասխանատվությամբ», – այս մասին հայտարարել է Վրաստանի խորհրդարանի նախագահ Շալվա Պապուաշվիլին։

Նրա խոսքով՝ ընդդիմությունը բացահայտ խոսում է զոհերի և ռադիկալացման մասին։

«Չգիտեմ՝ ով ում կհանդիպի, սակայն ես իսկապես հետևում եմ, թե արդյոք դիվանագետները կունենան աշխատանքային հանդիպումներ, հատկապես այն բանից հետո, երբ ընդդիմությունն ու ՀԿ-ները մայիսի 26-ի բռնությունն են հայտարարել։ Մենք տեսանք, որ ընդդիմությունն ուղղակի զոհերի մասին է խոսում, խոսում է ռադիկալացման մասին։ Փորձը, որ մենք ունենք նրանց հետ, ցավոք, դրական մտքեր չի առաջացնում։ Այդ իսկ պատճառով շատ կարևոր է որոշ դեսպանների հստակ դիրքորոշումը։

Մենք տեսանք՝ ապրիլի 9-ին ինչպես բռնի խմբերը, ՀԿ-ների և կուսակցությունների աջակիցները փորձեցին ռադիկալություն հրահրել։ Նրանք բռնության էին դիմում նույնիսկ ապրիլի 9-ի իրադարձությունների մասնակիցների նկատմամբ։ Չէին թողնում նրանց մոտենալ հուշարձանին։ Այս ամենին հետևում էին այդ ՀԿ-ների ֆինանսավորող դեսպանները, և ոչ մի բառ չասացին։ Ապրիլի 9-ից անցել է ավելի քան մեկ ամիս, բայց մի վտարող խոսք չենք լսել դոնորներից, երբ նրանց ֆինանսավորած ՀԿ-ները բռնության ակտ էին գործում։

Այժմ էլ մենք տեսնում ենք, որ որոշ ՀԿ-ներ և քաղաքական խմբեր բացահայտ հայտարարում են սադրանքների և բռնության մասին։ Ուստի ուզում եմ մեկ բան ասել՝ եթե որևէ ՀԿ կրկին բռնության մեջ ներքաշվի, դա կլինի այն դոնորի պատասխանատվությունը, որը մինչ այժմ լռել է։ Այսպիսով՝ պետք է հստակ ասվի՝ կամ դոնորներն ու դեսպանատները կհրաժարվեն բռնությունից, ահաբեկչությունից և ատելությունից, կամ այդ ամենը կլինի նրանց հաշվին», – հայտարարել է Շալվա Պապուաշվիլին։