«Բրյուսելում կամ որոշ մայրաքաղաքներում պատկերացում ունեն, թե գոյություն ունի մեկ ստանդարտ իրենց ընտանիքի համար և մեկ այլ՝ արտահանման համար երրորդ աշխարհի երկրների նկատմամբ։ Այսպես են որոշները մեզ նայում», – այս մասին հայտարարել է Վրաստանի խորհրդարանի նախագահ Շալվա Պապուաշվիլին։

Նրա խոսքով՝ 21-րդ դարում եվրոպական քաղաքական էլիտայում դեռևս կան մարդիկ, ովքեր ազգերն ու պետությունները բաժանում են տարբեր կատեգորիաների։

«Սա պարզ ճշմարտություն է, սակայն խնդիրը այն է, որ Բրյուսելում որոշները չեն ընդունում այս ճշմարտությունը։ Լիովին համոզված եմ, որ Բրյուսելում կամ որոշ մայրաքաղաքներում որոշ մարդիկ ունեն պատկերացում, թե գոյություն ունի ստանդարտ իրենց ընտանիքի համար և առանձին՝ արտահանման համար՝ ավելի ցածր մակարդակով, նախատեսված «բանանի հանրապետությունների» և երրորդ աշխարհի համար։ Այսպես են որոշ մարդիկ մեզ նայում։ Այս վերաբերմունքն ամեն օր տեսնում ենք։

Հիշում եք՝ տեսանյութ էի տեղադրել, որտեղ Բեռլինում մարդը լուսարձակ է նետում, այն ընկնում է սենյակ, պայթում է, այդ մարդուն ձերբակալում են ու պատժում։ Թբիլիսիում նույնը՝ նետում են լուսարձակներ, ընկնում են խորհրդարանի սենյակներ, պայթում են, դեսպաններն են հայտնվում, այդ թվում այն երկրների՝ Գերմանիայի, Ֆրանսիայի ներկայացուցիչները, որտեղ նման բաներ էլ են լինում, ու ասում են՝ սա խաղաղություն է։ Վրաստանում սենյակի պայթեցումը խաղաղություն է, իսկ Գերմանիայում՝ պատերազմ։ Սա պարզապես կրկնակի ստանդարտ չէ, սա նշանակում է, որ որոշ մարդիկ մեզ այդ մակարդակի վրա չեն դիտարկում, որպեսզի մեզ վրա տարածվեն նորմալ մոտեցումներ։ Ոմանց թվում է, թե մենք բանանի հանրապետություն ենք, երրորդ աշխարհ, և դա ցավալի է։

Կրկնում եմ, 21-րդ դարում եվրոպական քաղաքական էլիտայում դեռ կան մարդիկ, ովքեր մարդկանց բաժանում են տարբեր մակարդակների, ազգերին ու երկրներին՝ տարբեր կարգերի», – հայտարարել է Պապուաշվիլին։