Շալվա Պապուաշվիլի. Ազգային ժողովի նախագահը ևս մեկ անգամ հաստատեց Պորտուգալիայի աջակցությունը եվրաինտեգրմանը, շնորհակալություն հայտնեց մեզ համաշխարհային անվտանգության մեջ ունեցած ներդրման համար
Վրաստանի խորհրդարանի նախագահ Շալվա Պապուաշվիլիի խոսքով՝ Պորտուգալիայի Հանրապետություն պաշտոնական այցի շրջանակներում նա հանդիպում է ունեցել Ազգային ժողովի նախագահ Աուգուստո Սանտոս Սիլվայի հետ, որի ընթացքում քննարկել են Հարավային Կովկասում ու Սևծովյան տարածաշրջանում տեղի ունեցող իրադարձությունները, անվտանգության միջավայրը, ինչպես նաև Ռուսաստանի ագրեսիվ քաղաքականությունը Վրաստանի դեմ և օկուպացված շրջանները։
«Ես իմ երախտագիտությունն եմ հայտնել Պորտուգալիային՝ Վրաստանի տարածքային ամբողջականությանն աջակցելու և օկուպացված շրջանները չճանաչելու քաղաքականության համար։ Մենք կարևորեցինք դիվանագիտական հարաբերությունների 30-ամյակը և նշեցինք, որ կարևոր է լիովին օգտագործել Վրաստան-Պորտուգալիա համագործակցության ներուժը։ Հանդիպմանը մենք խոսեցինք ոլորտային հանձնաժողովների և բարեկամության խմբերի մակարդակով խորհրդարանական կապերի ամրապնդման մասին»,- գրել է Շալվա Պապուաշվիլին սոցցանցում։
Բացի այդ, Պապուաշվիլին նշում է, որ Ազգային ժողովի նախագահը ևս մեկ անգամ հաստատել է Պորտուգալիայի աջակցությունը Վրաստանի եվրոպական և եվրատլանտյան ինտեգրմանը։
«Մենք խոսեցինք ԵՄ հանձնարարականների կատարման առումով Վրաստանի ձեռք բերած առաջընթացի և ակնկալիքների մասին։ Ազգային ժողովի նախագահը եւս մեկ անգամ հաստատել է Պորտուգալիայի աջակցությունը Վրաստանի եվրոպական եւ եվրատլանտյան ինտեգրմանը»,- գրում է Շալվա Պապուաշվիլին։