Անցյալ տարի մեզ, կառավարությանն ու վրաց հասարակությանը խոստացան, որ Վրաստանում արտաքին ֆինանսավորումը կլինի թափանցիկ, բայց մեզ խաբեցին,- ասել է Վրաստանի խորհրդարանի նախագահ Շալվա Պապուաշվիլին։

Ըստ Պապուաշվիլիի, այն խմբերը, որոնք ճչալով փորձում են ճնշել ողջախոհությունը, հենց այն կազմակերպություններն են, որոնք հրաժարվում են հրապարակայնացնել իրենց ֆինանսները։

«Կան կոնկրետ դոնորներ, ովքեր հրաժարվում են հրապարակել իրենց ֆինանսավորումը, չնայած ես անձամբ շփվել եմ երբեմն ուղղակիորեն դոնորի հետ, երբեմն տարբեր պետությունների ու դիվանագիտական ​​ներկայացուցիչների միջոցով։ Բացարձակ խուլ պատ կա։ Այդ կազմակերպությունները չեն պատրաստվում վրաց հասարակությանը բացահայտել, թե ինչի վրա են ծախսում իրենց գումարները Վրաստանում։ Սա փաստ է, և սա այն արձագանքն է, որը մենք տեսնում ենք այսօր որոշ կազմակերպություններից, որոնք ֆինանսավորվում են այդ հիմնադրամներից։ Այն խմբերը, որոնք փորձում են ճնշել ողջախոհությունն իրենց ճիչերով, հենց այն կազմակերպություններն են, որոնք ֆինանսավորվում են այդ հիմնադրամներից, որոնք հրաժարվում են հրապարակայնացնել իրենց ֆինանսները»,- ասել է Շալվա Պապուաշվիլին «Իմեդի Live» հաղորդաշարի եթերում։