ԱՄՆ նոր վարչակազմը խոստովանում է, որ արտաքին օգնության հովանու ներքո ամերիկյան փողերն օգտագործվել են հորինված գաղափարախոսությունների պարտադրումը, գրաքննությունը, ներքին քաղաքականությանը միջամտելը, հեղաշրջումները և այլն: Երբ ամենախոշոր դոնորն ընդունում է դա, դա ինքնաբերաբար կասկածի տակ է դնում Վրաստանում այլ երկրների կողմից ծախսվող գումարների ամբողջականությունը,- այս մասին սոցցանցում գրել է Վրաստանի խորհրդարանի նախագահ Շալվա Պապուաշվիլին։

Ինչպես նշում է Պապուաշվիլին, այժմ հերթը այլ դոնոր երկրներինն է՝ ստուգելու, թե ինչի վրա են ծախսվում իրենց հարկատուների գումարները։

«Սրանով պետք է հատկապես շահագրգռված լինեն այս երկրներում գործող ընդդիմությունն ու հասարակական կազմակերպությունները։ Բրյուսելը պետք է օրինակ ծառայի. 2023 թվականի աշնանը ես գրեցի ԵՄ դեսպանին՝ խնդրելով նրան ապահովել Ժողովրդավարության եվրոպական հիմնադրամի ֆինանսավորման թափանցիկությունը (EED, որը հայտնի է որպես NED-ի եվրոպական մասնաճյուղ): Մի քանի ամիս քննարկելուց հետո դեսպանի կողմից մերժում ստացա այն պատճառաբանությամբ, որ EED-ը առանձին կազմակերպություն է։ Իհարկե, դա ընդամենը պատրվակ էր։ EED-ն ամբողջությամբ ֆինանսավորվում է Բրյուսելի և անդամ երկրների բյուջեների կողմից և ղեկավարվում է մի քանի օդիոզ Եվրախորհրդարանի պատգամավորների կողմից:

Առանձին խնդիր է 2024 թվականի ընտրություններում կուսակցական ընտրությունների նպատակով Բրյուսելից և այլ մայրաքաղաքներից հատկացված միջոցների անօրինական ծախսումը։ Մենք բոլորս հիշում ենք, թե ինչպես արտաքին ճնշման պատճառով Հակակոռուպցիոն բյուրոն ստիպված եղավ կասեցնել իր հետաքննությունը, երբ ընտրություններում ներգրավված քաղաքական կուսակցությունների հետևում բացահայտվեցին կոնկրետ օտարերկրյա դոնորների հետքեր։

ԱՄՆ-ում ընթացող գործընթացները ստիպում են յուրաքանչյուր դեսպանատան հրապարակել իր երկրի կողմից ընտրությունների և ներքաղաքական գործընթացների վրա ծախսված յուրաքանչյուր ցենտ»,- գրում է Շալվա Պապուաշվիլին։