Վրաստանի խորհրդարանի նախագահ Շալվա Պապուաշվիլիի խոսքով՝ ապաօլիգարխացման օրենքի առնչությամբ Վրաստանում ԱՄՆ դեսպանը շփոթեցնող հայտարարություն է արել: Պապուաշվիլիի խոսքով, նման բովանդակային հարցերի շուրջ շփոթեցնող հայտարարությունները ցավալի են։

Պապուաշվիլիի խոսքով՝ փաստ է, որ ոչ ոք պաշտոնապես չի հրաժարվել ուկրաինական օրենքի քննարկումից։

«Ցավոք սրտի, ԱՄՆ դեսպանի երեկվա շփոթեցնող հայտարարությունը մեծ աղմուկ բարձրացրեց արմատական ​​ընդդիմության մեջ։ Ցավալի է, որ նման բովանդակային հարցերի շուրջ տարակուսելի հայտարարություններ են արվում։ Մենք տեսանք Եվրոպական խորհրդի արձագանքը, որ այս նախագիծը դեռ քննարկվում է։ Բացի այդ, իմ կաբինետը երեկ գրել է նաև Վենետիկի հանձնաժողովին՝ պարզելու, թե ինչ կարգավիճակում է այս նախագիծը, և մենք սպասում ենք պաշտոնական արձագանքի։ Փաստ է, որ ոչ ոք պաշտոնապես չի հրաժարվել ուկրաինական օրենքի քննարկումից, այդ թվում՝ մենք նման տեղեկություն չենք ստացել ԵՄ ներկայացուցչից»,- ասել է Շալվա Պապուաշվիլին։

Ըստ Պապուաշվիլիի, միգուցե դեսպանը սխալ տեղեկություն ուներ:

Վրաստանում ԱՄՆ դեսպան Քելլի Դեգնանը երեկ ասել է, որ Ուկրաինան Վենետիկի հանձնաժողովից հետ է կանչել «ապաօլիգարխացման» օրենքը և այս փուլում չի սպասում եզրակացությանը։