Բարի գալուստ արժեքներով լի Եվրամիություն,- այս մասին սոցիալական ցանցում գրում է խորհրդարանի նախագահ Շալվա Պապուաշվիլին։

Շալվա Պապուաշվիլին արձագանքում է «Լելո – Ուժեղ Վրաստան» կուսակցության անդամ Ալեկո Էլիսաշվիլիի ձերբակալությանը։ Ինչպես հայտարարել է Ներքին գործերի նախարարությունը, Էլիսաշվիլին այսօր առավոտյան լուսաբացին փորձել է այրել Թբիլիսիի քաղաքային դատարանի գրասենյակի շենքը։

Խորհրդարանի նախագահի խոսքով՝ Ալեկո Էլիսաշվիլին փորձել է «ահաբեկչական գործողություն կատարել»։

«Երեկ մենք Եվրամիության որոշ մայրաքաղաքներից լսեցինք բռնի խմբավորումներին աջակցող հայտարարություններ։ Այսօր «Ալդե» անդամ կուսակցության առաջնորդներից մեկը փորձել է ահաբեկչական գործողություն կատարել։ Բարի գալուստ արժեքներով լի Եվրամիություն», – գրում է Պապուաշվիլին։