Շալվա Պապուաշվիլի. 2022 թվականին ընդունված օրենքների 30 տոկոսը ծառայել է Եվրահանձնաժողովի հանձնարարականների կատարմանը, խորհրդարանն այս ուղղությամբ ընդունել է 82 օրենք
Խորհրդարանը շատ արդյունավետ է աշխատել 12 հանձնարարականների վրա, 2022 թվականին ընդունված օրենքների 30 տոկոսն այն օրենքներն են, որոնք ծառայել են այդ հանձնարարականների կատարմանը,- լրագրողներին ասաց Վրաստանի խորհրդարանի նախագահ Շալվա Պապուաշվիլին։
Նրա խոսքով, Եվրահանձնաժողովի հանձնարարականները կատարելու նպատակով խորհրդարանի կողմից փոփոխվել է 82 օրենք։
«Գիտեք, որ երկու հարց կա, որ հիմա Վենետիկի հանձնաժողովում է եզրակացության համար՝ դատաիրավական բարեփոխումների փաթեթը և ապաօլիգարխիզացիայի մասին օրենքը, որոնց պատասխանն ակնկալում ենք մարտին, և հենց որ գնահատական ունենանք Վենետիկի հանձնաժողովից, խորհրդարանը կվերսկսի այդ նախագծերի աշխատանքները։ Ինչ վերաբերում է ժողովրդական պաշտպանի և Արդարադատության բարձրագույն խորհրդի ընտրությանը, ապա դրանք հենց այն հարցերն են, որոնք մենք ասացինք, որ կախված չեն մեծամասնությունից։ Այստեղ կարեւոր է ընդդիմության կառուցողական համագործակցությունը։ Ցավոք, երկու դեպքում էլ տեսանք, որ ընդդիմությունն ընտրեց վերջնագրի ճանապարհը։ Սա հակաժողովրդավարական մոտեցում է, որը մենք տեսել ենք՝ վերջնագրեր առաջ քաշելով՝ կապված Օմբուդսմենի և Արդարադատության բարձրագույն խորհրդի անդամների ընտրության հետ»,- ասել է Շալվա Պապուաշվիլին։