Շալվա Պապուաշվիլի․ «Հենց որ ռադիկալիզմի խրախուսումը վերջանա, Եվրոպական Միության հետ հարաբերությունները ինքնաբերաբար և բնականոն կերպով կվերականգնվեն»
Այսօր Եվրոպական Միության դեսպանատան հայտարարությունից ինչպես հասկացանք, երևի երկխոսության վերականգնումը մորը հայհոյելով են ուզում․ ցավոք, այսօր Եվրոմիության հետ այնպիսի ձևաչափում ենք, երբ Եվրոմիության դեսպանն ասում է մեզ, թե մորը հայհոյելը վրացական մշակութային ժառանգություն և արտահայտման ազատություն է, – այս մասին հայտարարել է Վրաստանի խորհրդարանի նախագահ Շալվա Պապուաշվիլին։
Նրա խոսքով՝ երբ Եվրոպական Միության տարբեր ինստիտուտները դադարեն աջակցել ռադիկալիզմին, հենց այդ պահին էլ կգտնվի հարաբերությունների վերականգնման ուղին։
«Չգիտեմ, եթե Լեհաստանում՝ նրա հայրենիքում, մորը հայհոյելը սովորական բան է, Վրաստանում այդպես չէ, և նա պետք է վարվի այնպես, ինչպես վայել է Վրաստանին։ Ինչ վերաբերում է Եվրոմիության հետ հարաբերությունների վերականգնմանը, հենց որ Եվրոմիության տարբեր ինստիտուտները դադարեն աջակցել ռադիկալիզմին, հենց այդ պահին էլ կգտնվի հարաբերությունների վերականգնման ուղին։ Այսօր այս հարաբերություններում որպես խոչընդոտ կանգնած է ռադիկալիզմը, որը խրախուսվում և ֆինանսավորվում է Եվրոմիության տարբեր հիմնադրամների կողմից, այդ թվում՝ քաղաքական հայտարարություններով։ Այսօր Եվրոմիության դեսպանն ուղղակիորեն և հրապարակավ խրախուսեց մորը հայհոյելը Վրաստանում։ Գրեթե սա դուրս բերեց մշակութային ժառանգության համատեքստ։ Հենց որ ռադիկալիզմի խրախուսումը վերջանա, ինքնաբերաբար և բնականոն կերպով կվերականգնվեն հարաբերությունները, քանի որ ռադիկալիզմն է այն, ինչ խոչընդոտ է կանգնած Վրաստանի և Եվրոմիության միջև», – հայտարարել է Պապուաշվիլին։