Սերգեյ Լավրով. Հյուսիսային Կորեան հաստատեց իր անվերապահ աջակցությունը հատուկ ռազմական գործողության բոլոր նպատակներին և Ռուսաստանի գործողություններին, մենք ևս մեկ անգամ հայտնեցինք մեր անկեղծ երախտագիտությունը
Հյուսիսային Կորեան հաստատել է իր միանշանակ աջակցությունը հատուկ ռազմական օպերացիայի բոլոր նպատակներին և Ռուսաստանի գործողություններին։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը Հյուսիսային Կորեայի արտաքին գործերի նախարար Չո Սոն Հուիի հետ բանակցություններից հետո կայացած մամուլի ասուլիսում։
«Մենք փոխանակեցինք կարծիքներ Ուկրաինայի ճգնաժամի շուրջ ստեղծված իրավիճակի վերաբերյալ։ Մեր հյուսիսկորեացի բարեկամները հաստատեցին իրենց միանշանակ աջակցությունը հատուկ ռազմական օպերացիայի բոլոր նպատակներին, ինչպես նաև Ռուսաստանի ղեկավարության և բանակի գործողություններին։ Իր հերթին մենք ևս մեկ անգամ արտահայտեցինք մեր անկեղծ երախտագիտությունը Կորեայի Ժողովրդական բանակի զինծառայողների ներդրման համար Կուրսկի շրջանի ազատագրման գործողության հաջող ավարտի գործում», – նշել է Լավրովը։
Ռուսաստանի արտաքին գործերի նախարարի խոսքով՝ Կուրսկի շրջանի ազատագրման գործում ռազմական օգնություն Ռուսաստանին առաջարկել է Հյուսիսային Կորեան։
«Մենք չունեինք պատճառ՝ հրաժարվելու այս ազնիվ համերաշխության դրսևորման առաջարկից», – հավելել է Լավրովը։
Բացի այդ, Լավրովի խոսքերով, Վլադիմիր Պուտինն ու Կիմ Չեն Ինը մշտական կապի մեջ են։
Նշենք, որ Սերգեյ Լավրովը այցելում է Հյուսիսային Կորեա։