«Երկիրը, որտեղ դատարան չկա, այլևս պետություն չէ, բոլորը կվճարեն այս գինը, նույնիսկ նրանք, ովքեր այսօր ծափահարում են նման ամոթալի որոշմանը», – ասել է Վրաստանի նախկին նախագահ Սալոմե Զուրաբիշվիլին։

Նրա խոսքով՝ Մաթե Դևիձեն այսօր կայացել է որպես անձնավորություն և մտել է երկրի պատմության մեջ։

«Այսօր ամոթալի օր է Վրաստանի համար։ Այդ դահլիճում Վրաստանի դրոշն էր, Վրաստանի զինանշանը։ Շատ են խոսում վիրավորանքների մասին և տուգանքներ են սահմանում։ Սակայն իրականում այսօրը վիրավորանք է յուրաքանչյուր մարդու համար, ով այստեղ կանգնած է կամ չէ, հասարակության յուրաքանչյուր անդամի համար, ով լռում է։ Երկիրը, որտեղ դատարան չկա, այլևս պետություն չէ։ Բոլորը կվճարեն դրա համար՝ վաղը, մյուս օրը։ Նույնիսկ այն մարդիկ, ովքեր այսօր ծափահարում են նման ամոթալի որոշմանը, այդ դատավորը, այդ դատախազը, ովքեր նստած են այնտեղ, այս դահլիճում, և չգիտեմ՝ ինչ են մտածում, ինչ ապագա կունենան։

Ես գիտեմ, թե ինչ ապագա կունենա Մաթե Դևիձեն։ Նա այսօր կերտվեց որպես մարդ, նա մտավ մեր պատմության մեջ, մենք նրան չենք մոռանա։ Նա կլինի մեր արժանապատվության խորհրդանիշներից մեկը։ Սրանք կլինեն ստրկության խորհրդանիշներ։ Նրանք ստրուկներ են, ես սա կասեմ և կկրկնեմ։ Սա դատարան չէ։ Հուսով եմ, որ նրանք կանցնեն հաջորդ մակարդակներ, և գործը կքննարկվի նաև Ստրասբուրգում», – ասաց Զուրաբիշվիլի։

Ձեր տեղեկության համար, Թբիլիսիի քաղաքային դատարանը Մատե Դևիձեին դատապարտել է չորս տարի վեց ամիս ազատազրկման։ Դևիձեն ձերբակալվել է 2024 թվականի նոյեմբերի 19-ին՝ Մելիքշվիլի պողոտայում տեղի ունեցած բողոքի ակցիայի ժամանակ։ Նրան մեղադրանք է առաջադրվել Քրեական օրենսգրքի 353-րդ հոդվածի 1-ին մասով, որը վերաբերում է ոստիկանի վրա հարձակում գործելուն։