Սալոմե Զուրաբիշվիլի. Իտալիան մեզ համար Եվրամիության ամենակարևոր երկրներից մեկն է, ես նախատեսում եմ այցելել այս երկիր
Վրաստանի նախագահ Սալոմե Զուրաբիշվիլին բացի Վատիկան կատարած այցից նախատեսում է այցելել Իտալիա: Այս մասին նա հայտարարել է «Agenzia Nova Srl»-ին տված հարցազրույցում:
«Նաև նախատեսում եմ մեկնել Իտալիա: Մենք 2018 թվականին հյուրընկալեցինք Իտալիայի Հանրապետության նախագահ Սերջիո Մատարելլային, և այժմ պատասխան այցի ժամանակն է: Մեզ համար Իտալիան Եվրամիության ամենակարևոր երկրներից մեկն է: Դուք գիտեք, թե որքան ենք աշխատում ինտեգրմանը հասնելու համար: Մենք կդիմենք ԵՄ-ին անդամակցելու համար 2024 թվականին և կտեսնենք, թե ինչպիսի կոնսենսուս կլինի եվրոպական պետությունների կողմից: Մեզ համար կարևոր է ձեռք բերել պատմական անդամ երկրների աջակցությունը: Եվրամիության նոր անդամ երկրները, որոնց հետ մենք Խորհրդային Միությունում էինք, ավելի կսատարեն դեպի եվրոպական ինտեգրում տանող ճանապարհին, և մեզ համար կարևոր է հաջողության հասնելը: Իտալիան կարևոր է նաև այն համատեքստում, որ մեծ վրացական հասարակություն է ներկայացված այս երկրում: Նրանցից շատերն այստեղ տարբեր փորձառություններ ստացան, և հայրենիք վերադառնալուց հետո դրանք կիսեցին մեզ հետ: Այցելություն այն վայրեր, որտեղ գտնվում է մեր հայրենակիցների մեծ մասը, օրինակ՝ Բարի քաղաք, կդառնա իմ այցի նպատակներից մեկը», – ասաց Զուրաբիշվիլին:
Վրաստանի նախագահի խոսքով, Իտալիա այցի ևս մեկ թեման տնտեսական հարաբերությունների զարգացումն է:
«Մենք հետ ենք թողնում կորոնավիրուսի համաճարակը, և այս համատեքստում կարևոր է խթանել տնտեսական զարգացումը: Ես ուրախ եմ, որ Հռոմում տեսնում եմ զբոսաշրջության դանդաղ, բայց դրական նորացում և նույնը տեսնում եմ Թբիլիսիում: Մենք կարող ենք փորձի փոխանակում այս ոլորտում, բայց միևնույն ժամանակ, կան նաև այլ ոլորտներ, ինչպիսիք են ագրոպարենային և գինու ոլորտները: Վրաստանը նոր է մտել այս շուկա, բայց մենք գինու արդյունաբերության պատմություն ունենք, և այս ոլորտում նույնպես կարող ենք աշխատել:
Հռոմում մեր դեսպանատունը համագործակցում է նաև իտալական ընկերությունների հետ, որոնք շահագրգռված են օգնելու մեզ անցկացնել մի քանի մարզական իրադարձություններ, որոնք մենք հյուրընկալելու ենք առաջիկա տարիներին` 2022 թվականին «Եվրոբասկետը» և 2023 թվականին՝ ազատ ոճի «դահուկավազքի» և Սնոուբորդի աշխարհի առաջնությունը», – ասաց Սալոմե Զուրաբիշվիլին: