Սահմանադրական փոփոխությունների վերաբերյալ խորհրդակցություններ են տեղի ունեցել ընդդիմության ներկայացուցիչների միջև։ Լևան Իոսելիանիի գրասենյակում կայացած հանդիպմանը մասնակցել են «Լելոյի» առաջնորդ Բադրի Ջափարիձեն, «Բարեփոխումների խմբի» անդամներ Խաթունա Սամնիձեն և Թեոնա Աքուբարդիան։

Խորհրդարանի փոխխոսնակ Լևան Իոսելիանիի խոսքով՝ ինքը աջակցում է սահմանադրական փոփոխությունների առաջին ընթերցմամբ ընդունված տարբերակը և ունի նույն դիրքորոշումը, ինչ ընդդիմադիր գործընկերները։

«Մենք տարբեր դիրքորոշումներ ենք լսել իշխող կուսակցությունից, և պետք է շարունակենք խորհրդակցությունները այս կապակցությամբ։ Բոլոր պատգամավորների մոբիլիզացման դեպքում, բացի «Ազգային շարժումից», հնարավոր է սահմանադրական փոփոխություններ ընդունել: Առաջնային խնդիրը գալիք խորհրդարանական ընտրությունների համար ճկուն միջավայր ստեղծելն է։ Ամենակարևորը՝ ընտրություններում խորհրդարանական շեմի իջեցումն է։ Ընդհանուր առմամբ, ընտրական համակարգը պետք է լինի ճկուն և լիովին համաչափ, այլ ոչ միայն խոսել արտահերթ ընտրությունների մասին»,- ասել է Իոսելիանին։