NDI-ի ուսումնասիրությունները ցույց են տալիս, որ քաղաքական վարկանիշների չափումը հիմա շատ դժվար է և չի տալիս համարժեք պատկեր,- այս մասին հայտարարում է «Լելոն՝ Վրաստանի համար» կուսակցության ներկայացուցիչ Սաբա Բուաձեն՝ Ազգային ժողովրդավար ինստիտուտի հետազոտության արդյունքների հետ կապված, որի համաձայն, ընդդիմությունն ունի ցածր վարկանիշ:

«Սա ցույց է տալիս, որ նման քաղաքական վարկանիշների չափումը հիմա շատ դժվար է և համարժեք պատկեր չի տալիս, քանի որ մենք գտնվում ենք քաղաքական ճգնաժամի մեջ, որտեղ դժվար է խոսել նման հարցումների ճշգրտության մասին: Հատկապես, քանի որ նման հարցումներն անցկացվել են հեռախոսով և զգալիորեն տարբերվում են լիարժեք դեմ առ դեմ հարցազրույցներից», – ասաց Բուաձեն:

Ըստ NDI-ի հարցման, հարցվածների 23 տոկոսը կարծում է, որ «Վրացական երազանքը» ամենամոտն է իրենց տեսակետներին, 7 տոկոսը նշում է «Ազգային շարժումը», իսկ մյուս կուսակցություններն ընդհանուր առմամբ ունեն 7 տոկոս: