Սաակաշվիլին պատմել է Մայդանի գնդակահարությունների գործով հարցաքննության մասին

19:20, 10.01.2018

Օդեսայի շրջանի նախկին նահանգապետ Միխեիլ Սաակաշվիլին գրառում է արել իր ֆեյսբուքյան էջին՝ պատմելով, որ 4 ժամ հարցաքննվել է դատախազությունում Մայդանում իրականացված գնդակահարությունների գործով:

Սաակաշվիլիի խոսքով՝ երկու կարևոր գործերը՝ Վիկտոր Յուշչենկոյի թունավորումն ու Մայդանի գնդակահարությունները, մինչ այժմ չեն բացահատվել, քանի որ դա իշխանություններին ձեռնտու չէ:

Նա պատմել է, որ չորս ժամ հարցաքննվել է դատախազությունում Մայդանում իրականացված գնդակահարությունների գործով՝ իտալական հեռուսաալիքով արված հայտարարություններից հետո այն մասին, որ իբր նա վրացի դիպուկահարներին հրամայել է գնդակահարել ցուցարարներին:

Քաղաքական գործիչը շնորհակալություն է հայտնել երկրի նախագահ Պյոտր Պորոշենկոյին. «Շնորհակալություն, Պյոտր Ալեքսեևիչ, որ մտածում եք, թե ինչով ինձ զբաղեցնել»:

Հեղինակ - Edgar Barsegyan

Քաղաքական

Միխեիլ Սաակաշվիլի