Ռուսաստանի փոխվարչապետը հայտարարում է, որ հուլիսին Ռուսաստանը կսկսի վառելիքի ներկրումն այլ երկրներից, ինչպես նաև կդադարեցնի դիզվառելիքի արտահանումը
Ռուսական շուկան վառելիքի դեֆիցիտ (պակասուրդ) ունի, քանի որ նավթավերամշակման գործարանները ուկրաինական անօդաչու թռչող սարքերի հարձակումների պատճառով ստիպված են վերանորոգումներ իրականացնել. այս մասին հայտարարել է Ռուսաստանի փոխվարչապետ Ալեքսանդր Նովակը:
Ռուսաստանի փոխվարչապետի խոսքով՝ շուկայում ներկայումս առկա են խնդիրներ և դեֆիցիտ, ինչի պատճառով լցակայաններում հերթեր են նկատվում, ինչպես նաև անկայուն է սպասարկումը:
Նովակի հայտարարության համաձայն՝ Ռուսաստանը հուլիսին կսկսի վառելիքի ներկրումն այլ երկրներից և կդադարեցնի դիզելային վառելիքի արտահանումը, կկրճատի նավթավերամշակման գործարաններում ընթացիկ վերանորոգման ժամկետները և կհետաձգի պլանավորված վերանորոգումները: