Ռուսաստանը հարձակվել է Օդեսայի վրա, կան վիրավորներ
Ռուսաստանը լայնածավալ հարձակում է սկսել Օդեսայի վրա, որի հետևանքով վիրավորվել է առնվազն չորս մարդ, որոնցից մեկը ծանր վիճակում է։ Բնակչությունը մնացել է առանց էլեկտրաէներգիայի, ջեռուցման և ջրի։
Լրատվամիջոցների հաղորդագրությունների համաձայն՝ հարձակման հետևանքով վնասվել են Օդեսայի մարզի բնակելի, արդյունաբերական, էներգետիկ և նավահանգստային ենթակառուցվածքները։
Օդեսայի մարզային ռազմական վարչակազմի ղեկավար Օլեգ Կիպերը հայտարարել է, որ վերականգնողական աշխատանքներ են ընթանում։