Ըստ լրատվամիջոցների՝ Ռուսաստանն ու Իրանը ստորագրել են երկաթուղային համաձայնագիր, որը պետք է մրցակցի Սուեզի ջրանցքի հետ բեռների տեղափոխման հարցում։
Ռուսաստանի և Իրանի նախագահները երկու երկրների միջև համաձայնագրի ստորագրման արարողությանը մասնակցել են հեռակա կարգով։
Ըստ լրատվամիջոցների՝ համաձայնագրի համաձայն՝ իրանական երկաթուղու շինարարությունը կֆինանսավորվի Հյուսիս-Հարավ տրանսպորտային միջանցքի շրջանակներում։
Նոր երկաթուղային գիծը պետք է միացնի Հնդկաստանը, Իրանը, Ադրբեջանը և Ռուսաստանը։
«Նոր միջանցքով լավ փոխանցումը զգալի մրցակցային առավելություն կունենա։ Օրինակ՝ Սանկտ Պետերբուրգից, ասենք, Մումբայ ապրանքը հասցնելու համար կպահանջվի մոտ 10 օր։ Համեմատության համար ավանդական առաքումը տևում է մոտ 45 օր: Ես նշում եմ այն փաստը, որ նոր ճանապարհը օգտագործվելու է սննդամթերքի և գյուղատնտեսական այլ ապրանքների առաքման համար։ Դրանք կկիրառվեն Իրանում, ինչպես նաև Պարսից ծոցի և աֆրիկյան երկրներում։ Այնպես որ, այս միջանցքը գործնական ներդրում կունենա համաշխարհային պարենային անվտանգության մեջ»,- ասել է Ռուսաստանի նախագահ Վլադիմիր Պուտինը։
Իր հերթին Իրանի նախագահը շնորհակալություն է հայտնել Պուտինին նախագծին աջակցելու համար։
«Հյուսիս-Հարավ երթուղին օգտակար կլինի տարածաշրջանի բոլոր երկրների համար։ Այս երթուղին առեւտրատնտեսական մերձեցման դրսեւորում է։ Անկասկած, այս համաձայնագիրը կարեւոր եւ ռազմավարական քայլ է Թեհրանի եւ Մոսկվայի համագործակցության ուղղությամբ»,- ասել է Էբրահիմ Ռաիսին։