Ռուսաստանը երեկ գիշեր հարձակվել է Ուկրաինայի վրա 499 անօդաչու թռչող սարքերով և հրթիռներով
Ռուսաստանը երեկ գիշեր հարձակվել է Ուկրաինայի վրա 499 անօդաչու թռչող սարքերով և հրթիռներով։
Ըստ ուկրաինական լրատվամիջոցների՝ երկրի ՀՕՊ համակարգը կարողացել է չեզոքացնել դրանցից 479-ը, չնայած հարվածներ են հասցվել տասը վայրերում, իսկ բեկորները ընկել են 17 վայրերում։
Անօդաչու թռչող սարքերի հետ մեկտեղ Ռուսաստանը Ուկրաինայի ուղղությամբ արձակել է չորս աէրոբալիստական հրթիռ, 14 թևավոր հրթիռ և երկու հակառադարային հրթիռ։
Ռուսական օդային հարձակումը հետ է մղվել ուկրաինական ավիացիայի, զենիթահրթիռային ուժերի, էլեկտրոնային պատերազմի ստորաբաժանումների և անօդաչու թռչող սարքերի համակարգերի, ինչպես նաև Ուկրաինայի պաշտպանության ուժերի շարժական կրակային խմբերի կողմից։
Ուկրաինայի զինված ուժերի ռազմաօդային ուժերի հրամանատարության կապի վարչության պետ Յուրի Իգնատը հայտարարել է, որ Ռուսաստանը Ուկրաինայի դեմ իրականացրել է ամենախոշոր համակցված հարվածներից մեկը, և հիմնական թիրախը եղել է ուկրաինական օդանավակայաններից մեկը։ Իգնատը ուղղակիորեն չի նշել, թե որ օդանավակայանի մասին է խոսքը, սակայն կան տեղեկություններ, որ սա Դուբնո քաղաքում գտնվող ավիաբազա է։ Հենց այս բնակավայրն է գիշերը ստացել ամենաուժեղ հարվածը։