Ռուսաստանը դուրս եկավ Եվրոպայում սովորական սպառազինությունների մասին պայմանագրից. Այս մասին տեղեկություն է տարածում Ռուսաստանի արտաքին գործերի նախարարությունը։

Նշված համաձայնագիրը քվոտաներ է սահմանել ռազմական տեխնիկայի, այդ թվում՝ տանկերի, հրետանու, ուղղաթիռների և ինքնաթիռների համար։

Ըստ Ռուսաստանի ԱԳՆ-ի՝ Եվրոպայում սովորական սպառազինությունների մասին կոնվենցիայից դուրս գալուց հետո 1990 թվականի Բուդապեշտի հուշագիրը, որով Ուկրաինային անվտանգության երաշխիքներ էր տրամադրվել, Մոսկվայի համար կորցնում է իր վավերականությունը։

Եվրոպայում սովորական սպառազինությունների մասին պայմանագիրը ստորագրվել է 1990 թվականի նոյեմբերի 19-ին ՆԱՏՕ-ի անդամ 16 երկրների և Վարշավայի պայմանագրի վեց երկրների միջև։

Ռուսաստանը վավերացրել է այս պայմանագիրը 1992 թվականին, իսկ 2007 թվականի հուլիսին դադարեցրել է դրա գործունեությունը։ Ռուսաստանի ԱԳՆ հայտարարության համաձայն՝ համաձայնագրի կասեցումը տեղի է ունեցել Մյունխենի անվտանգության համաժողովում Պուտինի ելույթի համաձայն։ 2007 թվականին իր ելույթում Ռուսաստանի նախագահը կոշտ քննադատության ենթարկեց ԱՄՆ-ին և միաբևեռ աշխարհի մոդելը, ինչը դարձավ Ռուսաստանի արտաքին քաղաքական կուրսի էական փոփոխությունների նախադրյալը։