Ռուսաստանը չի միջամտի Հայաստանի ներքին գործերին,- այս հայտարարությունն արել է ընդդիմախոս Նիկոլ Փաշինյանը, րոպեներ առաջ, մամլու ասուլիսին:
Նրա խոսքով, Հայաստանում ընթացող իրադարձությունները Հայաստանի ներքին քաղաքական հարցն է:
«Բազմիցս ասել եմ, որ Հայաստանում տեղի ունեցող իրադարձությունները չունեն աշխարհաքաղաքական համատեքստ: Սա է իրականությունը»,- հայտարարել է Փաշինյանը:
Փաշինյանին հարց են ուղղել կառավարության անդամների Մոսկվա այցի առնչությամբ: Փաշինյանը հայտարարում է, որ տեղյակ չէ, թե ինչու էին հայ բարձրպաշտոնյաները գտնվում Մոսկվայում:
«Հնարավոր է, նրանք գիտեն, որ Հայաստանում աջակցություն չունեն և որևէ այլ տեղ են փորձում տպավորություն թողնել»,- հայտարարել է Փաշինյանը:
Հայաստանի վարչապետի պաշտոնակատար Կարեն Կարապետյանը չի գնացել ընդիմադիր պատգամավոր Նիկոլ Փաշինյանի հետ հանդիպմանը:
