Ռուսական ուժերի ռմբակոծության արդյունքում Դոնեցկի մարզի Սվյատոհիրսկի լավրայում հրդեհ է բռնկվել
Ռուսական ուժերի ռմբակոծության արդյունքում Դոնեցկի մարզի Սվյատոհիրսկի լավրայում հրդեհ է բռնկվել։ Այս մասին տեղեկությունը տարածում է «BBC»-ն՝ հենվելով ուկրաինական ուղղափառ եկեղեցու վրա։
Սոցցանցերում տարածվում են այրվող վանքի լուսանկարները։
«Եվս մեկ հանցագործություն, որը կատարել են ռուս բարբարոսները, որոնց համար սրբություն գոյություն չունի»,- «Facebook»-ում գրել է Ուկրաինայի բանակի սպա Յուրի Կոչևենկոն։
Վանքը գտնվում է Սլովյանսկ քաղաքի մոտ՝ Հյուսիսային Դոնեցկ գետի ափին։ Ինչպես հաղորդում է «BBC»-ն, ռուսական ուժերը բազմիցս փորձել են անցնել գետը՝ պաշարելու ուկրաինական ստորաբաժանումները:
Ըստ առկա տեղեկությունների՝ վանքը գտնվում է Ռուսաստանի պատրիարքարանի ենթակայության տակ։