Ռուսական ուժերը հրթիռակոծել են Նիկոլաևի թաղամասերից մեկը, ինչի հետևանքով զոհվել է առնվազն երեք մարդ, ևս չորսը վիրավորվել են
Ռուսական ուժերը հրթիռակոծել են Ուկրաինայի Նիկոլաև քաղաքի թաղամասերից մեկը, ինչի հետևանքով զոհվել է առնվազն երեք մարդ, ևս չորսը վիրավորվել են։
Այդ մասին, ըստ ուկրաինական լրատվամիջոցների, «Telegram»-ով հայտնել է քաղաքի քաղաքապետ Ալեքսանդր Սենկևիչը։
Նա ասաց, որ գնդակոծության հետևանքով 2 մարդ զոհվել է տեղում, իսկ երրորդը մահացել է մինչ հիվանդանոց տեղափոխվելը։
Ուկրաինական լրատվամիջոցները, վկայակոչելով երկրի պետական սահմանային ծառայությանը, հայտնում են, որ օկուպանտները ռմբակոծել են Սումիի սահմանային գոտին՝ օգտագործելով ավիացիան։