Ռուսական իշխանությունները ազատ են արձակել Սաուդյան Արաբիայում ամերիկյան պատվիրակության հետ բանակցություններից առաջ փոքր քանակությամբ մարիխուանա պահելու համար ձերբակալված ամերիկացուն
Ռուսաստանի իշխանություններն ազատ են արձակել մի ամերիկացու, որը ձերբակալվել էր Սաուդյան Արաբիայում ամերիկյան պատվիրակության հետ բանակցություններից առաջ փոքր քանակությամբ մարիխուանա պահելու համար։ Այս մասին հայտնում է The New York Times-ը։
28-ամյա Քեյլեբ Բայերս Ուեյնը փետրվարի 7-ին ձերբակալվել է Մոսկվայի «Վնուկովո» օդանավակայանում այն բանից հետո, երբ մաքսավորները նրա ուղեբեռում կանեփ պարունակող կոնֆետ են հայտնաբերել։
Պատասխանելով Վենի ազատ արձակման մասին հարցին՝ Կրեմլի խոսնակ Դմիտրի Պեսկովն ասել է, որ Արաբական թերակղզում փետրվարի 18-ին նախատեսված բանակցությունները վերաբերում են Մոսկվայի և Վաշինգտոնի հարաբերությունների վերականգնմանը, ուստի «որոշ իրադարձություններ կարելի է քննարկել այս համատեքստում»։
Ուեյնի ազատ արձակումից կարճ ժամանակ առաջ Ռուսաստանն ազատ է արձակել ամերիկացի պատմության ուսուցիչ Մարկ Ֆոգելին, ով Ռուսաստանում բանտարկված էր 2021 թվականի օգոստոսից։ Նա դատապարտվել է 14 տարվա ազատազրկման՝ մարիխուանա տեղափոխելու համար։
Ֆոգելի ազատ արձակման դիմաց ԱՄՆ-ն բանտից ազատ է արձակել Ռուսաստանի քաղաքացի Ալեքսանդր Վիննիկին, ով պատիժ էր կրում փողերի լվացման համար։