Ռումբի մասին հաղորդման պատճառով Կոսովոյի խորհրդարանից իրականացվել է պատգամավորների և աշխատակիցների տարհանում
Անվտանգության նկատառումներով Կոսովոյի խորհրդարանի շենքից տարհանվել են պատգամավորներն ու աշխատակիցները։
Ինչպես հայտնում են լրատվամիջոցները, ոստիկանությունն ընդունել է տարհանման որոշումը այն բանից հետո, երբ անհայտ անձը հաղորդել է շենքում ռումբի առկայության մասին։
Այդ ժամանակ խորհրդարանում պետք է վերսկսվեր նիստը։
«Մեզ ասացին դուրս գալ, որովհետև կա հնարավոր վտանգ։ Մենք չգիտենք, ինչ է կատարվում», – հայտարարել է ընդդիմության ներկայացուցիչը։
Նշենք, որ Կոսովոյի խորհրդարանը արդեն ավելի քան 40 անգամ գումարվել է, սակայն մինչ այժմ պատգամավորները չեն կարողացել ընտրել խորհրդարանի նախագահին և նրա տեղակալներին։ Այդ պատճառով օրենսդիր մարմինը դեռևս չի կարող սկսել լիարժեք աշխատանքը։ Նախորդ շաբաթ երկրի սահմանադրական դատարանը որոշում է կայացրել, ըստ որի՝ պատգամավորներն ունեն 30 օր խորհրդարանը ձևավորելու համար։