Ռոյթերս.Կամալա Հարիսը նախագահի ամենահավանական թեկնածուն է այն դեպքում, երբ Ջո Բայդենը հանի իր թեկնածությունն ընտրություններում

ԱՄՆ Դեմոկրատական ​​կուսակցության ստրատեգ Թերին Բոնդը նախագահ Ջո Բայդենի նախընտրական բանավեճերում անհաջողության ֆոնին ասել է, որ նրան փոխարինելու ամենահավանական թեկնածուն փոխնախագահ Կամալա Հարիսն է, բայց նա չի հաղթի ընտրություններում։ Այս մասին հայտնում է «Ռոյթերս» գործակալությունը՝ հիմնվելով Սպիտակ տան, Դեմոկրատական ​​կուսակցության և Բայդենի նախընտրական քարոզարշավի յոթ բարձրաստիճան պաշտոնյաների վրա։

Ինչպես գրում են լրատվամիջոցները, Դոնալդ Թրամփի և Ջո Բայդենի միջև անցած շաբաթ տեղի ունեցած առաջին նախագահական բանավեճը Դեմոկրատական ​​կուսակցությունում խուճապ և անհանգստություն է առաջացրել, թե արդյոք Ջո Բայդենը կկարողանա ղեկավարել երկիրը երկրորդ ժամկետով։

Բացի Քամալա Հարիսից, դեմոկրատները դիտարկում են նաև նահանգապետեր Գևին Նյուսոմի, Գրետչեն Ուիթմերի և Ջոշ Շապիրոյի թեկնածությունները:

Reuters-ի անցկացրած հարցման համաձայն՝ Քամալա Հարիսը Դոնալդ Թրամփին զիջում է 1%-ով։ Թրամփը ստացել է 43%, իսկ Հարիսը՝ 42%։ Օգոստոսի 19-22-ը տեղի կունենա Դեմոկրատական ​​կուսակցության համագումարը, որտեղ կուսակցությունը պաշտոնապես կներկայացնի նախագահի իր թեկնածուին։