Ռոյթերս. Իրանը մերժել է ԱՄՆ-ի առաջարկը 48-ժամյա հրադադարի վերաբերյալ
Իրանը մերժել է ԱՄՆ-ի առաջարկը 48-ժամյա հրադադարի վերաբերյալ. այս մասին հայտնում է «Ռոյթերսը»՝ հղում անելով իրանական լրատվամիջոցներին։
Ինչպես լրատվամիջոցներին հայտնել է անանուն աղբյուրը, առաջարկն Իրանին ներկայացվել է ապրիլի 1-ին երրորդ երկրի միջոցով, սակայն աղբյուրը չի նշել, թե կոնկրետ որ երկրի մասին է խոսքը։
ԱՄՆ-ն այս հարցի վերաբերյալ պաշտոնական հայտարարություն դեռևս չի տարածել։
Միևնուն ժամանակ, ինչպես գրում է «Սքայ Նյուսը», Իրանը պաշտոնապես տեղեկացրել է միջնորդներին, որ չի ցանկանում առաջիկա օրերին Իսլամաբադում հանդիպել ԱՄՆ պաշտոնյաների հետ։
Ավելի վաղ Իրանի արտաքին գործերի նախարար Աբաս Արաղչին հայտարարել էր, որ երկիրը կհամաձայնի միայն պատերազմի վերջնական ավարտին, այլ ոչ թե ժամանակավոր հրադադարին։