Ինչպես գրում է «Ռոյթերս»-ը, Վրաստանի և Հունաստանի ֆուտբոլի հավաքականների դիմակայությունը խառն ու նյարդային է ստացվել, և հիմնական ժամանակում կողմերը հաջողության հասնելու շատ քիչ հնարավորություններ են ունեցել։

Գործակալության հոդվածի համաձայն՝ իրավիճակը լարվել է առաջին խաղակեսի վերջնամասում, երբ խաղադաշտ են դուրս եկել երկու թիմերի պահեստայինների նստարանին, իսկ վրացական թիմի փոխարինման դուրս եկած դարպասապահը կարմիր քարտ է ստացել։

«Ռոյթերս»-ը նշում է նաև, որ Վրաստանի հավաքականի հարձակվող Խվիչա Կվարացխելիայի նկատմամբ խախտումների պատճառով հույն ֆուտբոլիստներն առաջին խաղակեսում երեք դեղին քարտ են ստացել։

Լավատես վրացի երկրպագուները խաղից առաջ ստադիոն են բերել «Վրաստանը պատմություն է գրել» մակագրությամբ պաստառ։ Խաղի վերջում նրանք կարող էին հպարտորեն ծածանել այս պաստառը, երբ Նիկա Կվեկվեսկիրիի տուգանայինից հետո գնդակը գլորվեց ցանցը և Վրաստանի հավաքականին դուրս բերեց «Եվրո 2024», գրում է«Ռոյթերս»-ն։

«Շնորհակալություն վրացի երկրպագուներին։ Ես խաղացել եմ շատ մարզադաշտերում, բայց երբեք նման բազմություն չեմ տեսել։ Դուք ամենակարևոր գործոնն էիք»,- Խվիչա Կվարացխելյայի խոսքերն է մեջբերում «Ռոյթերս» գործակալությունը։