Դանիան լայնածավալ զորավարժություններ է անցկացնում Գրենլանդիայում՝ առանց ԱՄՆ-ի մասնակցության: Այս մասին գրում է Ռոյթերս գործակալությունը:

Հրապարակման համաձայն, Դանիան չի հրավիրել ԱՄՆ-ին մասնակցելու Arctic Light 2025 զորավարժությանը, որը Գրենլանդիայի ժամանակակից պատմության մեջ ամենամեծ զորավարժությունն է:

Միևնույն ժամանակ, Դանիան հերքել է լրատվամիջոցների հաղորդագրությունները, որ զորավարժություններն անցկացվում են Վաշինգտոնին ուղերձ հղելու համար:

Arctic Light 2025 զորավարժություններին, որոնք կտևեն մինչև սեպտեմբերի 19-ը, մասնակցում է ավելի քան 550 զինվոր, այդ թվում՝ Դանիայի, Ֆրանսիայի, Գերմանիայի, Շվեդիայի և Նորվեգիայի հատուկ նշանակության ուժեր:

Տեղեկության համար, ընտրություններում հաղթանակ տանելուց հետո ԱՄՆ նախագահ Դոնալդ Թրամփը բազմիցս հայտարարել է, որ ազգային և միջազգային անվտանգությունից ելնելով՝ ցանկանում է, որ ԱՄՆ-ն վերահսկի հանքանյութերով հարուստ և ռազմավարական առումով տեղակայված Արկտիկական կղզին: Գրենլանդիան կիսաինքնավար տարածք է Դանիայի կազմում: Այնուամենայնիվ, Դանիայի և Գրենլանդիայի առաջնորդները նշում են, որ միայն գրենլանդացիներն են կարող որոշել կղզու ապագան: