«Միացյալ ազգային շարժման» ներկայացուցիչ Ռոման Գոցիրիձեն կարծում է, որ պլեբիսցիտը կարող է համարվել արտահերթ ընտրությունների հասնելու միջոցներից մեկը:

«Այսօր մենք խոսում ենք վեց կետից բաղկացած համաձայնագրի մասին: Սկսած ընտրական օրենսդրության և սահմանադրության փոփոխություններից և ավարտված արտահերթ ընտրությունների անցկացմամբ: Այս բոլորի որոշման նախապայմանը պետք է լինի քաղբանտարկյալներ Գիորգի Ռուրուայի և Նիկա Մելիայի անհապաղ ազատումը:

Պլեբիսցիտը կարելի է համարել որպես այդ նպատակին հասնելու ուղիներից մեկը», – ասաց Գոցիրիձեն:

Ըստ նրա, երկրում ազատ ընտրություններ անցկացնելու համար անհրաժեշտ է կատարել բոլոր վեց կետերը:

«Շատ բան պետք է արվի երկրում ոչ կեղծված, ազատ ընտրություններ անցկացնելու համար: Սա պահանջում է վեց կետերի իրագործում, որոնք քննարկման առարկա են, որից հետո պետք է կատարվեն օրենսդրական փոփոխություններ և անցկացվեն արտահերթ ընտրություններ: Պետք է բոլոր ջանքերը գործադրվեն բոլոր վեց կետերը կատարելու համար, ներառյալ արտահերթ ընտրությունների նշանակումը», – ասաց Ռոման Գոցիրիձեն: