Ես ուզում եմ իմ ելույթը սկսել նախագահ Բայդենի խոսքերով, նախագահն ասում է. «Մենք կաշխատենք շատ սերտ մեր գործընկերների, դաշնակիցների և բոլոր նրանց հետ, ովքեր կիսում են մեր հետաքրքրությունները, մենք անպաշտպան չենք թողնի մեր ապագան նրանցից, ովքեր վտանգում են մեր տեսլականը»,- այս մասին Վրաստանի խորհրդարանում ելույթի ժամանակ, հայտարարել է՝ Վրաստանում ԱՄՆ դեսպան Ռոբին Դաննիգանը։

Դաննիգանը խորհրդարանի արտաքին հարաբերությունների հանձնաժողովի նիստում ասել է, որ Վրաստանն ու ԱՄՆ-ն պետք է էլ ավելի խորացնեն իրենց հարաբերությունները։

«Մենք աշխատելու ենք բարգավաճման և կայունության համար։ Նախագահ Բայդենն այս խոսքերով ընդգծում է, որ մեր դաշինքներն ու գործընկերությունները պետք է ընդլայնվեն, և դա այն է, ինչ նա ինձ խնդրեց, երբ ես եկա Վրաստան՝ խորացնելու մեր գոյություն ունեցող լավ և լայն համագործակցությունը։ Մենք ունենք շատ լավ հարաբերություններ, մենք ընդհանուր սեր ունենք ազատության նկատմամբ և համոզմունք, որ մենք պատրաստ ենք և ի վիճակի ենք աշխարհը դարձնել ավելի լավ վայր մեր երեխաների համար», – ասել է Դաննիգանը: