Ռոբերտ Ֆիցոն հանդիպելու է Ուրսուլա ֆոն դեր Լեյենի հետ, Սլովակիան հայտարարել է, որ կարգելափակի Ուկրաինային օգնելու համար նախատեսված 90 միլիարդ եվրոյի վարկը, եթե Կիևը չվերսկսի ռուսական նավթի մատակարարումները
Սլովակիայի վարչապետ Ռոբերտ Ֆիցոն հայտարարել է, որ Փարիզում կհանդիպի Եվրահանձնաժողովի նախագահ Ուրսուլա ֆոն դեր Լեյենի հետ։
Հանդիպման հիմնական թեման կլինի Եվրամիության կողմից Ուկրաինային օգնելու համար 90 միլիարդ եվրոյի վարկի հատկացումը։
Սլովակիան հայտարարել է, որ պատրաստ է խոչընդոտել այս գործընթացը, եթե Կիևը չվերսկսի ռուսական նավթի մատակարարումները։
Ռոբերտ Ֆիցոն ասել է, որ ցանկանում է, որ ԵՄ փորձագետները ստուգեն «Դրուժբա» խողովակաշարը։
«Ուկրաինայի նախագահը անընդհատ վնասում է մեզ և կարծում է, որ կարող է մեզ ստիպել մեր խաղաղ դիրքորոշումը փոխել պատերազմական դիրքի։ Նա սխալվում է։ Ուկրաինան ոչինչ չի վերադարձնի 90 միլիարդ եվրոյից, ինչպես որ ոչինչ չի վերադարձնի արդեն ստացված հարյուր միլիարդավոր եվրոներից, որոնք նրա մոտիվացիան են մինչև վերջին ուկրաինացի զինվորը պայքարելու Ռուսաստանի Դաշնության դեմ», – ասել է Ֆիզոն։
Ուկրաինայի տարածքով «Դրուժբա» խողովակաշարով Հունգարիա և Սլովակիա ռուսական նավթի մատակարարումները դադարեցվել են հունվարի վերջից։ Ուկրաինան պնդում է, որ «Դրուժբան» վնասվել է ռուսական հարձակումների հետևանքով, մինչդեռ Սլովակիան և Հունգարիան հերքում են դա և պնդում, որ Ուկրաինան դիտավորյալ չի մատակարարում վառելիք «Դրուժբա» խողովակաշարով։
