Ամերիկյան ավիակիրը Հարավչինական ծովից ուղևորվում է Մերձավոր Արևելք, հաղորդում է Reuters-ը՝ հղում անելով Marine Traffic կայքի տվյալներին։

Ավիակիրը պետք է ժամաներ Վիետնամի Դանանգ քաղաք այս շաբաթվա վերջին, սակայն աղբյուրը Reuters-ին հայտնել է, որ հունիսի 20-ին նախատեսված պաշտոնական ընդունելությունը չեղարկվել է։

Հանոյում ԱՄՆ դեսպանատունը հայտարարել է, որ Դանանգում ավիակիրի ժամանումը չեղարկվել է «անհետաձգելի գործառնական կարիքների» պատճառով, ասել է աղբյուրը։

ԱՄՆ դեսպանատունը անմիջապես չի արձագանքել մեկնաբանության խնդրանքին։

ԱՄՆ Խաղաղօվկիանոսյան նավատորմի կայքում նշվում է, որ USS Nimitz ավիակիրը անցյալ շաբաթ անվտանգության գործողություններ է իրականացրել Հարավչինական ծովում՝ «ԱՄՆ ռազմածովային ուժերի Հնդկա-խաղաղօվկիանոսյան տարածաշրջանում կանոնավոր ներկայության շրջանակներում»։