Ռեջեփ Թայիփ Էրդողանը մեծ քսանյակի գագաթնաժողովի շրջանակներում չի հանդիպի Սաուդյան Արաբիայի արքայազնին

Թուրքիայի նախագահը մեծ քսանյակի գագաթնաժողովի շրջանակներում չի հանդիպի Սաուդյան Արաբիայի արքայազնին: Լրատվությունն այս մասին տարածում է թուրքական մամուլը:

Տարածված լրատվությամբ, Թուրքիայի նախագահը Բուենոս Աիրես է մեկնելու նոյեմբերի 30-ին և այնտեղ մնալու է մինչև դեկտեմբերի 1-ը:

Էրդողանը մասնակցելու է մեծ քսանյակի շրջանակներում ծրագրված միջոցառումներին:

Մինչ այդ տարածվում էր լրատվություն, որ հնարավոր է մեծ քսանյակի շրջանակներում, տեղի ունենար Ռեջեփ Թայիփ Էրդողանի և Մուհամեդ Բին Սալմանի հանդիպումը:

Թուրքիան, լրագրող Ջամալ Խաշոգի սպանության մեջ մեղադրում է Սաուդյան Արաբիայի թագավորական ընտանիքին: