Ռեջեփ Թայիփ Էրդողանը Մահմուդ Աբասին ասում է, որ Թուրքիան կշարունակի ճնշում գործադրել Իսրայելի վրա
Թուրքիայի նախագահ Ռեջեփ Թայիփ Էրդողանը Պաղեստինի ինքնավարության ղեկավար Մահմուդ Աբասին ասել է, որ Թուրքիան կշարունակի ճնշում գործադրել Իսրայելի վրա։ Տեղեկությունը տարածում է Ռոյթերս -ը։
Էրդողանի խոսքով՝ Անկարան կշարունակի աջակցել Պաղեստինին և միջազգային հանրությանը մղել մեծացնելու ճնշումն Իսրայելի վրա։
Ղեկավարները նաև անդրադարձել են վերջին զարգացումներին և քննարկել այն քայլերը, որոնք անհրաժեշտ է ձեռնարկել Գազայում կայուն հրադադարի և խաղաղության հաստատման համար։
Թուրքիայի նախագահը հերթական անգամ դատապարտել է Գազայում շարունակվող պատերազմը և մեղադրել որոշ արեւմտյան երկրների լռության ու Իսրայելին աջակցելու մեջ։
Ինչպես Էրդողանն ասել է Աբասին, բոլոր երկրները, հատկապես մահմեդական աշխարհը, պետք է ակտիվացնեն իրենց ջանքերը՝ Գազայում կրակի անհապաղ դադարեցում և պաղեստինցիներին մարդասիրական օգնության շարունակական առաքում ապահովելու համար:
Պաղեստինի ինքնավարության ղեկավարը օգոստոսի 15-ին պետք է ելույթ ունենա Թուրքիայի խորհրդարանում։
«Մենք ցույց ենք տալիս, որ Աբասն իրավունք ունի ելույթ ունենալ մեր խորհրդարանում, ինչպես Նեթանյահուն իրավունք ունի ելույթ ունենալ ԱՄՆ Կոնգրեսում»,- ասել է Էրդողանը Աբասի հետ հանդիպումից առաջ։