Ինչպես ցույց տվեց Հորմուզի նեղուցի հետ կապված ճգնաժամը, թյուրքական աշխարհը միավորող տրանսպորտային նախագծերը, հատկապես «Միջին միջանցքը», երկար տարիներ լինելու են մեր առաջնահերթությունը,– այս մասին Թուրքիայի նախագահ Ռեջեփ Թայիփ Էրդողանը հայտարարել է «Թյուրքական պետությունների կազմակերպության» ոչ պաշտոնական գագաթնաժողովի ժամանակ։

Թուրքիայի նախագահի խոսքով՝ անմիջական հարևանությամբ առկա ճգնաժամերը ևս մեկ անգամ ցույց տվեցին թյուրքական աշխարհի համերաշխության ռազմավարական արժեքը։

«Աշխարհաքաղաքական մարտահրավերների պայմաններում մենք պետք է ուժեղացնենք մեր խորհրդակցական մեխանիզմները և համակարգումը։ Պաղեստինում, Լիբանանում, Իրանում, Ուկրաինայում և բազմաթիվ այլ երկրներում առկա ճգնաժամերը մատնանշում են մեր պաշտպանունակության հզորացման և արդյունաբերական ոլորտում համագործակցության ընդլայնման անհրաժեշտությունը։ Ի դեմս Թուրքիայի՝ մենք պատրաստ ենք մեր կազմակերպության անդամների հետ կիսել բարձր տեխնոլոգիաներով ձևավորված պաշտպանական արդյունաբերության ոլորտում ձեռք բերված փորձը»,– նշել է Էրդողանը։