Ռեջեփ Թայիփ Էրդողան. ԱՄՆ-ը տարածաշրջանում ահաբեկչական կազմակերպություններին օգտագործում է իր շահերի և Իսրայելի անվտանգության համար
Թուրքիայի նախագահ Ռեջեփ Թայիփ Էրդողանը հայտարարել է, որ ԱՄՆ-ը տարածաշրջանում ահաբեկչական կազմակերպություններին օգտագործում է իր շահերի և Իսրայելի անվտանգության համար։
Թուրքիայի նախագահի խոսքով՝ ահաբեկչական խմբավորումը, որն օգտվում է Սիրիայում տիրող անկայունությունից, վատնում է իր ուժերը՝ փնտրելու արևմտյան երկրների պաշտպանությունը։
Ինչպես նշել է Թուրքիայի նախագահը, Թուրքիան զիջումների չի գնա ահաբեկչության դեմ պայքարում։
Ըստ Էրդողանի՝ Թուրքիան ՄԱԿ-ի շրջանակներում նախաձեռնություն է սկսել՝ Իսրայելին սպառազինությունների համապարփակ էմբարգո սահմանելու համար, քանի որ Իսրայելի հարձակումները Գազայի և Լիբանանի վրա ամեն օր հարյուրավոր մարդկանց են սպանում։
«Իսրայելին զենքի էմբարգո սահմանելու Անկարայի կոչին աջակցող երկրների թիվն աճում է։ Հուսով ենք, որ մենք հաջողության կհասնենք որպես մարդկության դաշինք և երկարաժամկետ խաղաղության դուռ կբացենք»,- ասել է Թուրքիայի նախագահը։