Ռեգբի | Պիեռ-Անրի Բրոնկանը հաստատում է, որ ամռանը կմարզի Վրաստանի ազգային հավաքականը #1TVSPORT
Ֆրանսիական «Բրիվ» ակումբի գլխավոր մարզիչ Պիեռ-Անրի Բրոնկանը մամուլի ասուլիսում հաստատեց, որ ամռանը կհեռանա ակումբի գլխավոր մարզչի պաշտոնից և կգլխավորի Վրաստանի ազգային հավաքականը։
«Հաստատում եմ, որ կմնամ «Բրիվում» մինչև մրցաշրջանի ավարտը և հավատարմորեն կկատարեմ իմ պարտականությունները։ Այս ակումբն ունի շատ լավ երկրպագուների բազա և արժանի է խաղալու ամենաբարձր մակարդակով։ Ես միշտ հաճույքով կհիշեմ այստեղ անցկացրած ժամանակը։
Կարող եմ նաև ասել, որ ակումբից հեռանալուց հետո կմիանամ Վրաստանի ազգային հավաքականին։ Ես դեռևս պաշտոնապես պայմանագիր չեմ կնքել երկրի ռեգբիի միության հետ, բայց կարող եմ ասել, որ հուլիսից անպայման կմիանամ Վրաստանի ազգային հավաքականին»։