«Վրացական երազանքի» աջակցությունը պատմական առավելագույնի վրա է, իսկ ընդդիմությանը՝ պատմական նվազագույնի,- այս մասին Վրաստանի Առաջին ալիքին ասել է խորհրդարանական մեծամասնության անդամ Ռատի Յոնաթամիշվիլին։

«Իշխող թիմին սատարում է 60 տոկոսը, իսկ ընդդիմությանը՝ ընդհանուր առմամբ 17 տոկոս։ Նրանք հինգ տոկոսի շեմն անցնելու ռիսկեր ունեն, այդ թվում՝ «Ազգային շարժում»-ը։ Եթե ​​մեկ տոկոսանոց ընդդիմադիր կուսակցությունները կարծում են, որ «Վրացական երազանքը» վարկանիշ չունի, իրենց համար ավելի վատ է։ Հիմնական խնդիրը քաղաքային ավագանիների արդյունավետ աշխատանքն է, որպեսզի ընտրական շրջանում այդ բացը հնարավորինս սեղմվի։ Եթե նայենք պրակտիկային, ապա երկրորդ փուլում արդյունքները երբեք չեն փոխվել, ընդհակառակը, առաջին փուլում հաղթողը միշտ ամրապնդել է իր դիրքերը»,- ասել է Յոնաթամիշվիլին։