Մզիա Ամաղլոբելին, որը գտնվում է բանտում, ծեծի է ենթարկվել, և այժմ նրա առողջական վիճակը վատթարանում է։ Նա կորցնում է տեսողությունը, և նրան չեն տրամադրում պատշաճ բժշկական օգնություն, – այս մասին Եվրոպական խորհրդարանի անդամ Ռասա Յուկնևիչենեն հայտարարել է Վրաստանի վերաբերյալ բանաձևի ընդունումից հետո։

Յուկնևիչենեի խոսքով՝ «Վրաստանում անկախ մեդիան գտնվում է փլուզման եզրին»։

«Օգտվում եմ հնարավորությունից՝ որպեսզի լրագրողները, ովքեր այստեղ են և մեզ լսում են, ինչպես նաև եվրոպական մեդիա կազմակերպությունները ուշադրություն դարձնեն հատկապես Մզիա Ամաղլոբելիի իրավիճակին։ Նա լրագրող է, որը բանտում է, ծեծի է ենթարկվել, և այժմ նրա առողջությունը վատթարանում է։ Նա կորցնում է տեսողությունը, և չունի համապատասխան բժշկական բուժում», – հայտարարել է Ռասա Յուկնևիչենեն։