Լեհաստանի արտաքին գործերի նախարար Ռադոսլավ Սիկորսկին հայտարարել է, որ ռուս-ուկրաինական պատերազմը կարող է ավարտվել մեկ հեռախոսազանգով։

Լեհաստանում կայացած մամուլի ասուլիսում Սիկորսկին նշել է, որ Ուկրաինայում պատերազմն ավարտելու համար անհրաժեշտ է միայն Վլադիմիր Պուտինի որոշումը՝ դուրս բերել ռուսական զորքերը, և հեռախոսազրույցը Ռուսաստանի գլխավոր շտաբի պետ Վալերի Գերասիմովի հետ։

Լրագրողի հարցին, թե արդյոք Պուտինի՝ Գերասիմովին զանգահարելու հավանականությունը մեծանում է, Սիկորսկին պատասխանել է, որ «դրանք մեծանում են, երբ Ռուսաստանի տնտեսությունը սկսում է դանդաղել»։

«Ուկրաինան ցույց է տվել, որ տասը տարի է, ինչ հետ է պահում Պուտինին Դոնբասում։ Պուտինը չի կարող հաղթել։ Մենք պետք է ցույց տանք, որ պատրաստ ենք միջնաժամկետ հեռանկարում աջակցել Ուկրաինային և Արևմտյան պատժամիջոցներ կիրառել ռուսական նավթի, գազի և տեխնոլոգիաների դեմ», – նշել է Սիկորսկին։