Պուտինը լայնամասշտաբ ներխուժում է սկսել Ուկրաինա, Ուկրաինան կպաշտպանի իրեն և կհաղթի. Դմիտրո Կուլեբա
09:07, 24.02.2022
Ուկրաինայի արտաքին գործերի նախարար Դմիտրո Կուլեբան սոցիալական ցանցերում գրում է Դոնբասում ռուսական ռազմական գործողության մեկնարկի մասին։
«Պուտինը հենց նոր սկսեց լայնածավալ ներխուժում Ուկրաինա։ Ուկրաինայի խաղաղ քաղաքները հարձակման են ենթարկվել: Սա ագրեսիայի պատերազմ է։ Ուկրաինան կպաշտպանի իրեն ու կհաղթի: Աշխարհը կարող է և պետք է կանգնեցնի Պուտինին: Հիմա գործելու ժամանակն է»,- գրել է Կուլեբան Twitter-ում։
Ռուսաստանի նախագահ Վլադիմիր Պուտինը հայտարարել է Դոնբասում ռազմական գործողություն սկսելու մասին։
Ուկրաինայի մի քանի քաղաքներում պայթյունների ձայներ են լսվում:
