Prime Media Global-ի հիմնադիր Իլիա Միքելաիշվիլին հայտարարություն է տարածել

«Prime Media Global»-ի հիմնադիր Իլիա Միքելաիշվիլին հայտարարություն է տարածել։

Ինչպես նշում է Իլիա Միքելաիշվիլին, «Prime Media Global»-ը նախատեսում է լուրջ ներդրում կատարել «Իմեդի» հեռուստաընկերությունում և հետագայում հզորացնել հեռուստաալիքը։

«Ինչպես հանրությունը գիտի, Prime Media Global-ը տարիներ շարունակ գործում է վրացական մեդիա շուկայում և երկրում այս ուղղությամբ զարգացող ընկերություններից մեկն է։ Ես ուրախ եմ, որ գործարար Իրակլի Ռուխաձեի հետ բազմամսյա բանակցությունները հաջողությամբ ավարտվեցին, և արդյունքում «Իմեդի» հեռուստաընկերությունը և նրա հոլդինգի ներքո գտնվող մյուս լրատվամիջոցները այժմ կանցնեն «Պրայմ Մեդիա Գլոբալի» սեփականությանը։

Մենք մեծ ծրագրեր ունենք ինչպես «Իմեդի» հեռուստաընկերության, այնպես էլ ամբողջ հոլդինգի համար։ Ես մտադիր եմ կատարել լուրջ ներդրումներ և ավելի հզորացնել հեռուստաալիքը։

Մյուս կողմից, ես լիակատար պատասխանատվությամբ հայտարարում եմ, որ հեռուստաալիքի գործող խմբագրական քաղաքականությունը և հոլդինգում աշխատող յուրաքանչյուր աշխատակցի իրավունքները կպաշտպանվեն։ Մենք լիովին հասկանում ենք այն պատասխանատվությունը, որ «Իմեդին» վրացական մեդիա տարածքում անվերապահ առաջատարն է, և մեր նպատակն է պահպանել և ավելի բարելավել այս արդյունքը։ Սա է այն, ինչ ես կարող եմ ձեզ ասել այս փուլում, և ես մեր ծրագրերի մասին մանրամասն կխոսեմ մի փոքր ավելի ուշ», – ասվում է հայտարարության մեջ։

Ավելի վաղ «Իմեդի» հեռուստաընկերությունից դուրս գալու մասին հայտարարություն էր տարածել «Honeywell Partners»-ի ղեկավար Իրակլի Ռուխաձեն՝ նշելով, որ «Իմեդի»-ի նոր սեփականատերը կդառնա «Prime Media Global»-ը։