Պենտագոնում կարծում են, որ ուկրաինացիներին մոտ ապագայում չի հաջողվի վերադարձնել Ղրիմը։ Այս մասին ԱՄՆ-ի կոնգրեսականներին փակ նիստում ասել է ԱՄՆ-ի պաշտպանության նախարարության ներկայացուցիչը։ Տեղեկությունը տարածում է «Politico»-ն։

Ինչպես գրում է հրատարակությունը, հայտնի չէ, թե ինչի վրա է հիմնված ամերիկացի զինվորականների գնահատականը։ Ինչպես լրագրողներին հաստատել են երեք անանուն աղբյուրներ, Պենտագոնի ներկայացուցիչները կոնգրեսականներին ասել են, որ կարծում են, որ Ուկրաինան չունի և մոտ ապագայում հնարավորություն չի ունենա ստիպելու ռուս զինվորականներին լքել օկուպացված Ղրիմի թերակղզին։

Ըստ Politico-ի՝ Կոնգրեսում կայացած հանդիպմանը մասնակցել են ԱՄՆ-ի պաշտպանության նախարարի օգնական Լորա Կուպերը և Միացյալ շտաբի օպերատիվ դեպարտամենտի տնօրեն, գեներալ-լեյտենանտ Դուգլաս Սիմսը։

Պաշտպանության նախարարությունը չցանկացավ մեկնաբանել փակ նիստում արված հայտարարությունները։

Ինչպես գրում է «Politico»-ն, նույն հարցի վերաբերյալ մեկնաբանություն է արել ԱՄՆ-ի Զինված ուժերի պետությունների միացյալ կոմիտեի ղեկավար Մարկ Միլին։ Գերմանիայի Ռամշտեյն ռազմաբազայում կայացած բանակցություններից հետո Մարկ Միլին ասել է, որ «ուկրաինացիների համար այս տարի շատ դժվար կլինի ռուսներին ռազմական ճանապարհով դուրս մղել օկուպացված շրջաններից»։

«Politico»-ն, հենվելով Ուկրաինայի կառավարության ներկայացուցիչների վրա, գրում է, որ գեներալ Միլի այս հայտարարությունը առաջացրել է նախագահ Զելենսկու «զայրույթը»։

Ըստ Politico-ի հոդվածի՝ ԱՄՆ-ի Ներկայացուցիչների պալատի զինված ծառայությունների հանձնաժողովի նախագահ Մայք Ռոջերսը հարցազրույցներից մեկում ասել է, որ «պատերազմը պետք է ավարտվի մինչև ամառ»։ Միևնույն ժամանակ Ռոջերսը կարծում է, որ «Ռուսաստանը երբեք չի հրաժարվի Ղրիմից»։

«Ի՞նչ կարելի է անել. Եվ ես չեմ կարծում, որ դրա շուրջ պայմանավորվածություն կա։ Կարծում եմ, որ Ուկրաինայի նախագահի վրա պետք է որոշակի ճնշում գործադրվի մեր կառավարության և ՆԱՏՕ-ի առաջնորդների կողմից, թե ինչպիսին է հաղթանակը և կարծում եմ, որ դա կօգնի մեզ Զելենսկիին և Պուտինին բանակցային սեղանի շուրջ մղել և ամեն ինչ հասցնել մինչև ամառ»,- ասել է Ռոջերսը։