Կան օրենքներ, որոնք ընդունված են և որոնք սահմանափակում են քաղաքացիական հասարակությանը և չեն համապատասխանում առանց վիզայի ռեժիմի պահանջներին, – այս մասին Վրաստանում Գերմանիայի դեսպան Պետեր Ֆիշերը հայտարարեց լրագրողներին՝ մեկնաբանելով 17 երկրների արտգործնախարարների և Եվրոպական Միության բարձրաստիճան ներկայացուցչի համատեղ հայտարարությունը:

«Վրաստանը հստակ գիտի, թե ինչ պետք է անի։ Եվրոպական միությունը կառավարվում է գրավոր կանոններով։ Ամեն ինչ բազմիցս արձանագրված է։ Կան օրենքներ, որոնք ընդունված են և որոնք սահմանափակում են քաղաքացիական հասարակությանը և չեն համապատասխանում առանց վիզայի ռեժիմի պահանջներին։ Կան օրենքներ, որոնք այստեղ ընդունված են և որոնք սահմանափակում են փոքրամասնություններին և չեն համապատասխանում ԵՄ ստանդարտներին։ Կարծում եմ՝ սա է նամակի հիմնական բովանդակությունը», – հայտարարել է Պետեր Ֆիշերը։

Վրաստանի վերաբերյալ 17 երկրի արտգործնախարարներն ու Եվրոպական Միության բարձր ներկայացուցիչը համատեղ հայտարարություն են տարածել։ Հայտարարության հեղինակները կոչ են անում Վրաստանի իշխանություններին «անհապաղ ազատ արձակել անարդար կերպով կալանավորված քաղաքական գործիչներին, լրագրողներին և ակտիվիստներին, չեղարկեն ճնշող օրենսդրությունը և մասնակցեն ազգային երկխոսությանը՝ բոլոր համապատասխան կողմերի հետ»։