Փիթ Հեգսեթն ասում է, որ ՆԱՏՕ-ն պետք է դառնա ամուր ռազմական դաշինք՝ Եվրոպայում պաշտպանություն ապահովելու իրական կարողություններով
ԱՄՆ պաշտպանության նախարար Փիթ Հեգսեթը հայտարարել է, որ ՆԱՏՕ-ն պետք է վերադառնա իր սկզբնական նպատակին և դառնա կոշտ ռազմական դաշինք, որը կունենա իրական ռազմական կարողություններ՝ Եվրոպայում զսպման և պաշտպանության ապահովման համար։
ԱՄՆ պաշտպանության նախարարը նաև խոսել է Հաագայի գագաթնաժողովում ստանձնած պարտավորությունների մասին և նշել, որ որոշ անդամ պետություններ արդեն կատարում են իրենց պարտականությունները, չնայած որոշ պետություններ պետք է ավելին անեն։
«Մենք այս մասին անկեղծորեն կխոսենք՝ թե՛ անձնական, թե՛ հրապարակային զրույցներում։ Կարծում եմ՝ սա կարևոր է։
Ընկերները պետք է ընկերներին ասեն ճշմարտությունը և համոզվեն, որ նրանք իրենց ներդրումն ունեն», – նշել է ԱՄՆ պաշտպանության նախարարը։